Teatro KadaKen ta estrená ‘E Balada di Pluisje’ e wikènt aki

KOMUNIKADO NA PRENSA – di parti di Teatro KadaKen.

Manera ya ta kustumber, e aña aki atrobe Teatro KadaKen lo presentá un obra teatral edukativo pa skolnan sekundario na Kòrsou. E biaha aki ta trata di e obra ‘E Balada di Pluisje’, skibi i dirigí pa Albert Schoobaar. E ta un historia intrigante pa studiantenan adolesente, akompañá pa un trayekto edukativo. E estreno ta riba 9 i 10 di ougùstùs 2013 i pa e dos funshonnan aki ahinda tin karchi disponibel.

E Balada di Pluisje ta konta e historia di un mucha hòmber di 15 aña ku yama Newton – mihó konosí komo Pluisje – ku a eksperenshá algu horibel. Su mayornan Enid i Orlando ke kompartí nan historia i ta disidí di drenta den diálogo ku tur hoben di Kòrsou. Nan sa masha bon ta kiko nan ta bin konta e hobennan den e klasnan ku nan ta bishitá. Pero unabes ku nan ta pará den e klas dilanti di e studiantenan, kosnan inesperá ta kuminsa pasa.

Ku e obra aki, Teatro KadaKen ke konektá i kòmbersá ku hobennan, manera nan a hasi anteriormente ku nan dos otro obranan Tisha (2012) i E dekonstrukshon di Edsel K. (2009). Teatro ta un forma hopi adekuá pa hasi esaki, pasobra e ta pèrmití e hobennan di identifiká nan mes ku e dilemanan rekonosibel, presentá den e aktuashon. Temanan importante den e obra aki ta: atenshon pa otro, eskohonan ku un hende ta hasi pa ta felis, i e konsekuenshanan di e eskohonan ku mayornan ta hasi pa nan famia. Na un sierto momentu den nan bida drùk, Enid i Orlando a bai pèrdè nan yu Newton/Pluisje. Kon esaki por a pasa? I kiko nan por a hasi pa evitá esaki? Kiko Newton mes por a hasi otro?

E Balada di Pluisje ta aktuá dor di Meliza Garmes, Verlon Donker i Benjamin Martis. Teksto i direkshon ta den man di Albert Schoobaar. E instanshanan ku entre otro a hasi e produkshon aki posibel ta: Fonds Podiumkunsten, Stichting Doen, Mondriaan Fonds i Prins Bernhard Cultuurfonds Caribisch Gebied.

Djabièrnè 9 i djasabra 10 di ougùstùs E Balada di Pluisje ta estrená na Skol Avansá Amador Nita. Riba tur dos e anochinan e presentashon ta kuminsá 8or. E obra ta adekuá pa adulto i hobennan for di 12 aña di edat. Karchinan ta kosta 20 florin i ta disponibel na Mensing’s Caminada.

Leave a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: