Presentashon Speshal di Tisha riba Dia Mundial di Teatro

Riba djamars 27 di mart Teatro KadaKen ta duna un presentashon públiko èkstra di su obra Tisha. E grupo di teatro ta hasi esaki na okashon di Dia Mundial di Teatro, proklamá pa UNESCO.

Bou di e lema ‘duna arte loke ta di arte’, KadaKen ta dediká e presentashon aki na sinku Yu di Kòrsou ku a fayesé resientemente i ku a duna un gran kontribushon na mundu di arte en general i di teatro en partikular. E personanan ta Stanley Cratz, Nydia Ecury, Irene van Grieken, Edwin Lopez Ramirez i Erich Zielinski.

Di e personanan aki, Edwin Lopez Ramirez, ku a fayesé na ougùstùs 2010, tin un lugá di honor speshal den kurason di Teatro KadaKen. Lopez Ramirez tabata un di hendenan ku a para na kuna di KadaKen i e tabata hefe di produkshon di ‘E dekonstrukshon di Edsel K.’, e produkshon mas grandi ku direktor artistiko, eskritor i aktor Albert Schoobaar a traha ku KadaKen te ahinda.

Dia 27 di mart 2012 amantenan di arte di palabra skibí, papiá i aktuá por gosa di un anochi úniko, kaminda Teatro kadaKen ta presentá su obra mas resien: Tisha. E historia di Tisha ta trata di eskohonan ku kada hende ta enfrentá na un òf otro momentu den su bida. Eskoho entre e ekspektativanan di hendenan rondó dibo i bo mes aspirashonnan. E ta un obra profundo ku hopi konfrontashon, pero tresé ku e humor i uso di leguahe karakteristiko di Schoobaar.

Si bo ke wak e presentashon speshal aki riba djamars 27 di mart, karchi ta optenibel na Mensing’s Caminada i na bentana di Teatro Luna Blou. Preis ta 25 florin pa persona. E obra ta tuma lugá den La Tentashon (dilanti di Luna Blou) i ta kuminsá 8’or di anochi. Pa esnan ku ke wak e obra pero ku no por djamars awor: tin dos presentashon públiko mas e luna aki, djasabra 31 di mart 2012 (8’or di anochi) i djadumingu 1 di aprel 2012 (3’or di atardi).

Leave a comment

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

%d bloggers like this: